Botika ginsulod sang kawatan, P125k nabulakwit.

11

Ginsulod sang kawatan ang Rojon Pharmacy sa bahin sang Mabini St/Burgos St., Brgy Libertad, Surallah, South Cotabato, alas 12:30 sang kaagahon sang Abril 10, 2021.
Sa imbestigasyon sang Surallah MPS isa ka wala nakilal-an nga lalaki nga suspek ang nagsaka sa foldable ladder sa tuo nga parte sang building kag nagsulod sa kisame sang botika paagi sa pag-utod sang galvanize roof gamit ang galvanized iron scissor kag ginbutangan sang pinta ang 3 ka mga CCTV cameras sa sulod.
Base sa inisyal nga inventory yara sa more or less P125, 000.00 ang nadula halin sa drawer kag sa likod sang CPU sa diin natago ang kwarta.
Samtang nabilin naman sang suspek ang isa ka foldable ladder, galvanized iron scissor kag tsinelas sini sa atop sang botika.
Sa subong padayon ang imbestigasyon sang Surallah MPS sa posible pagkilala kag pag-aresto sa mga suspek.

Facebook Comments