May linyahanay sa botohay sa approval sang franchise ordinance sang prime water infrastructure corporation sa pag distribute sang tubig sa syudad.
Suno kay councilor Plaridel Nava chairman sang committee on transportation and public utilities, ginapaabot na niya nga indi magsuporta ang mga konsehal nga kaalyado ni Cong. Trenas.
Subong man ginsiling ni Nava nagdesisyon siya para sa kaayuhan sang kadam-an.
Paathag sang konsehal, public welfare ang iya ginbasehan sa paghimo sang desisyon.
Nahibaluan nga walo ang nagpabor sa passage sang ordinansa nga amo sanday councilors Plaridel Nava kag Joshua Alim sang grupo nga Algona kag mga konsehal nga kaalyado ni mayor Jose Espinosa III nga sanday councilors Eduardo Penaredondo, R- Leone Gerochi, Mandrei Malabor, Lyndon Acap, Candice Tupas, kag Liezelle Joy Zulueta Salazar.
Lima ang nag-abstain nga kaalyado ni Trenas nga sanday councilors Lady Julie Grace Baronda, Jay Trenas, Leila Luntao, Ely Estante kag Ma. Irene Ong, samtang nagpamatok naman si councilor Armand Parcon.
