Davao City – Generally peaceful, kana maoy initial assessment sa Davao City Police Office kun DCPO sa nadayon nga demolisyon sa Brgy 26-C, Davao City karong adlawa.
Sumala ni DCPO spokesperson Ma. Teresita Plaza Gaspan, walay mga dagkong kakulian nga nahitabo ug wala usab resistance kaganinang buntag sa pagsugod og bakbak sa kabalayan sa maong Brgy.
Matud pa adunay pipila ang mga nasamad apan dili tungod kay adunay mibabag sa demolisyon o adunay nahitabong kagubot apan tungod kay nasamad sa kahoy o mga kagamitan gikan sa gibakbak nga kabalayan ug gambalay ug pagkuha og gamit sa maong lugar.
Kahinumduman nga nagsugod ang demolisyon kaganinang alas 9 sa buntag human ang upat ka oras nga negosasyon tali otoridad ug mga residente diin kapin usa ka libo ka mga security forces ang gipakatag kaganina alang sa pagsiguro nga mahimong hapsay ang demolisyon.
Ugmang adlawa ipadayon ang demolisyon sa maong brgy. diin kapin usa ka gatus ka mga pulis ang ipakatag gihapon sa area.
RadyoMaN Renz Barbarona
