Davao City – Gi-release na kagahapon, Hunyo 3, ang drayber sa Metro Shuttle Bus nga si Ricky Deloso gikan sa Highway Patrol Group human gi-atras ang kaso batok kaniya.
Sa interview sa RMN Davao kang Police Lieutenant Col. Nolan Raquid, Traffic Group Commander, gibutyag niini nga wala nay nibarug nga pamilya sa namatyan aron nga mapasaka ang kaso.
Matud ni Raquid nga andam gihapon sila mufile og kaso batok sa driver kun ugaling adunay pag-usab sa desisyon sa pamilya sa biktima.
Gipaklaro niini nga ang drayber sa bus gibuhian na tungod kay milapas na sa reglementary period nga 36 hours human temporaryo gikustodiya sa maong buhatan.
Kahinumdoman niadtong milabay’ng adlaw sayo sa kaadlawon nahitabo ang road crash tali sa Metro Shuttle Bus ug Mazda Sedan didto sa dalang Quimpo Boulevard ug on the spot patay ang drayber nga si Melody Ann Ybañez, 27 anyos, kauban ang pasahero nga si Janilou Rosales, 21 anyos, ug gikatakda karong adlawa ilubong ang duha ka biktima.
RadyoMaN Don Pulayao
