ILOILO City – Nagpanawagan ang Iloilo City Business Permits and Licensing Office (BPLO) sa mga tag-iya sang negosyo nga magrenew na sang ila business permits sang mas timprano.
Suno kay BPLO Head Mr. Norman Tabud ini agud malikawan ang pagdinaguso pag-abut sang deadline sa Enero 20.
Ginabanta ni Tabud nga 35% pa lamang ukon 5,000 sang kabug-usan nga 14.500 ka mga negosyo ang nakaparenew sang ila permits as of Jan 11.
Pahayag ni Tabud, kinandan na nga nagadugok ang mga magarenew sang ila permits sa nabilin nga duha ka adlaw antes ang deadline.
Nahibaluan nga nagabukas ang city hall bisan weekends agud maaccomodate ang mga nagadagsa agud magrenew sang ila business permits.
Facebook Comments
