Davao City – Tungod matud pa sa brake malfunction, nadisgrasya ang usa ka forward truck nga gisakyan sa 60 ka mga estudyante sa Tanglaw National Highschool nahitabo pasado ala 1 karong hapon sa Lower Mesolong, Talaingod, Davao del Norte.
Sa pakighinabi sa DXDC RMN Davao kang Police Inspector Alejandro Dionaldo sa Talaingod MPS, nga base usab sa ilang pakighinabi sa usa sa mga teachers sa mga estudyante nga anaa sa kapin 20 ka mga estudyante ang gipangdala sa Kapalong District Hospital ug sa Davao Regional Medical Center diin ang mga batang anaa sa pangidaron nga 15-20 anyos nakaangkon og minor injuries ug matud pa walay gikatahong namatay sa maong disgrasya.
Base sa initial report nga saysay sa driver sa truck nga rehistro ilawum sa TADECO nga adunay plakang LEH 480, pauli na matud pa sila gikan sa usa ka outreach program sa usa ka eskwelahan sa Purok Salaran, Sitio Milyong Brgy. Sto Niño, Talaingod apan pag abot sa lower Mesolong, Talaingod, nawad-an matud pa og control ang driver nga giilang si Carmelo Nuñez, 46 anyos, ug empleyado sa TADECO hinungdan nga natumba ang truck kinsa ang driver karon gikustodiya sa kapulisan alang sa dugang imbestigasyon.
Sa karon, giadto pa sa investigators ang mga pasyenteng gidala sa nasangpit nga mga ospital aron sutaon ang kahimtang sa mga biktima samtang ang ubang mga estudyante nanguli na matud pa sa ilang tagsa-tagsa ka mga panimalay.
RadyoMaN Renz Barbarona
