Patay sa riding in tandem criminal ang Branch Manager sang HBU Cycle World Inc, Koronadal Branch nga ginkilala kay Albino Pascual Dela Cruz, 42anyos, may asawa kag residente sang Barangay Tina, Syudad sang Tacurong.
Sa ginhimo nga imbestigasyon sang Tantangan PNP, samtang ginabaybay suno pa sang biktima ang National Highway halin sa Syudad sang Koronadal padulong sa syudad sang Tacurong sakay sa iya Bajaj CT 100 nga motorsiklo, nagaduag sang itom, apang pag-abot sa lugar nga gintabuan, hinali na lang ini nga gintiro sang wala nakilal-an nga suspek sakay sa wala wala natumod nga motorsiklo gamit ang wala natumod nga armas.
Bangud sa insidente nakaangkon sang duha ka pilas ang biktima sa iya sini likod kag nawong tuga sang pagpangluthang nga nangin tunaan sang hinali sini nga kamatayon.
Kaangot ginpahayag ni South Cotabato Police Provincial Director Senior Supt Franklin Alvero nga padayon pa ang ginahimo nga imbestigasyon kun ano gid ang motibo sa nasambit nga insidente.
