Roxas City, Capiz- Isa ka persona sa probinsya sang Capiz nga posible nalatnan sang 2019 Novel Corona Virus ang sa subong ang gina-obserbahan.
Ang pasyente ang isa ka lalaki kag nagapang-edaron sang 51-anyos sa diin subong ang na-confine sa isa ka pribado nga ospital sa Roxas City.
Base sa Press Release No. 2 nga ginpaguha sang Capiz Provincial Health Office(PHO) , ang amo nga persona ang halin sa isa ka banwa sa probinsya sang Capiz. Ini ang nagbiyahe sa pungsod Hongkong kag Macau sang Enero 25 tubtob Enero 29, 2020 kun sa diin nakitaan sang pila ka mga sintomas sang NCOV sang nagbalik sa Capiz.
Ini ang sa subong, naka-quarantine kag napa-idalom na sa mga test. Ginahulat na lamang ang resulta sang specimen nga ginpadala sa Research Institute for Tropical Medicine (RITM).
Ginpanugyanan naman sang PHO ang publiko nga mangin kalmante kag mangin vigilant sa pamahog nga dala sang NCoV ARD!
