TACLOBAN CITY – Ginbasura han Commission On Elections (COMELEC) an disqualification case kontra kan Karen Javier nga nakandidato ka-Congresswoman ha 2nd District han Leyte.
Ha resolusyon, sumala han Comelec, waray mabug-at nga basihan o rason an iginpasaka nga petisyon ni Benjamin Batan ngan Adan Canega nga nagkekwestyon han residency ni Karen Javier.
Sumala han Comelec “She has never abandoned her ties, her constructive presence, and her residence in Jaro, Leyte,” an nagin pamayahag han resolusyon.
Sumala kan Atty. Jo Ann Yu Balaga Zacarias, abogado ni Javier, ginkatigan han Comelec an mga ginpresentar nira nga mga ebedinsya.
“Proud na proud kami nga naatubang ha iyo kay nga nalampasan ito nga struggle kay tinuod gud man la nga mga taga Jaro gud, tuminungnong ngan amu ito an titindugan ngada hit kahasta.”
“Nakita ito han Comelec tungo han amon mga ebedensya nga ginhatag, nakita nira nga hi ma’am Karen in tinuod nga taga Jaro tikang ha pag-anaka ha iya ngada hit kahasta.”
Ha resolusyon, 44 katuig ngan 2 kabulan nagin residente hi Karen ha Jaro, Leyte.
Sumala naman ha iya, diri hiya maaram kun kayano ginpasakahan hiya hin sugad hini nga kaso.
“Diri ako maaram kun kayano gintagan hin sugad hini nga kaso kay ako in usa nga tuminungnong, taga jaro, leyte ako, tinuod nga waray, didto ako gin-anak ngan didto nag grades school.” – Karen Javier
Siring han kampo ni Javier, mayada pa hira pagbubuhaton legal ngadto han mga nagpasaka hin kaso kontra kan Karen.
Hi Karen Javier in asawa ni Javier, Leyte Mayor Sandy Javier.
