Aklan- Ginsubmiter na ni DILG Usec. Epimaco Densing lll sa Ombudsman ang administrative kag criminal complaints kontra sa mga opisyales sang Malay, probinsya sang Aklan kag PENRO.
Kalakip sa mga ginpasakaan sang panumbungon amo sanday Aklan Governor Florencio T. Miraflores, Mayor Ceciron Cawaling kag Vice Mayor Abram Sualog sang Malay upod ang walo ka mga Sangguniang-bayan members.
Upod man sa mga ginkasohan ang tatlo ka mga Punong Barangay sang Boracay nga sanday Kapitan Lilibeth Sacapaño sang Barangay Balabag, Kapitan Hector Casidsid sang Barangay Yapak kag Kapitan Chona Gabay sang Barangay Manoc-Manoc.
Maluwas sa mga ini, ginpasakaan man sang kaso ang pila ka mga empleyado sang munisipyo nga sanday Business and Licensing Division Head Jen Salsona, MENRO Officer Edgardo Sancho kag PENRO Officer Valentin Talavero.
Graft, gross neglect of duty, grave misconduct, conduct unbecoming of public officials, kag conduct prejudicial to the best interest of the service” nga nagresulta sa environmental problems sang Boracay island ang mga kaso nga ginpasaka batok sa nasambitan nga mga opisyal.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
