SILAY CITY, NEGROS OCCIDENTAL – (1st Update) Ginhold-up sang kapin tatlo tanan ka mga suspek ang isa ka pensyonado pasado las 11 sini gid lamang nga aga sa Fortuna, Silay City.
Suno sa initial nga pagpangusisa sang pulis, ang biktima nakilala kay Roly Saragoza, 67 anyos ang edad, pumuluyo sang Patyo Pari, Fortuna, ciudad sang Silay.
Ginpahayag nga nag-withdraw sang iya pension ang biktima sang ini ang ginbanggaan sang mga suspek kag ginhold-up.
Base sa imbestigasyon, nagbato ang biktima sa mga suspek gani ini siya ang ginbuno sang kapin lima ka beses kag naigo sa iya dughan, kamot kag tiyan.
Dali nga gindala sa ospital ang biktima kag padayon ini karon nga ginabulong, samtang, ginalagas naman sang pulis ang mga suspek./dyHB BACOLOD
Facebook Comments
