El City Social Welfare and Development Office ya initia con el programa “Breaking of Silence” entendido para con el mga menor de edad que victima de abuso sexual.
Na entrevista del RMN Zamboanga con el CSWDO Officer Sokie Roxas, ele ya abla cay presentamente, este el diila intervention que ta hace amediante del ta continua subi mga caso de rapto inbuelto el mga menor de edad.
Manada asegun na mga caso referido amo aquellos victima del mga suspechao que buracho y ya fuede man droga poreso ya fuede toma ventaja con el un menor de edad.
Si Roxas ya abla cay ta hace todol manera el su ofisina para fuede dale buen psychological intervention conestos mga victima.
Ele ta pidi tambien con el policia para reporta tambien na publico y na media el accomplisimiento y disposisyon del mga suspechao rapist para fuede sabe si convicted ba estos o ya fuede sale na selda. *- Bhong Simbajon/RMN News*
