Roxas City, Capiz- Ginkumpirmar sang Department of Foreign Affairs(DFA) nga hilway na sa death row sa United Arab Emirates ang Pinay OFW nga si Jennifer Dalquez matapos ang apat ka tuig.
Si Dalquez ang madumdoman nga napamatbatan sang death sentence sadtong 2015 matapos nga mangin guilty sa pagpatay sa iya employer. Apang naabswelto ini sang 2017 nga wala sang ginbayad nga blood money sang mahatagan sang oportunidad sa idalom sang Islamic law para mabaliktad ang desisyon.
Nahibaloan nga napaslawan nga mag-atender ang anak sang biktima sa serye sang hearing kabangdanan agud nga ipetisyon sang kampo sang OFW ang iya acquittal. Sa madumdoman, ang taga- General Santos City nga si Dalquez ang gindakop sang nakaligad nga Disyembre 12, 2014 pila ka adlaw matapos nga ginbuno sini ang iya employer bangud sa alegasyon nga siya ang tuyo nga himuslan.
Bangud sa amu nga disesyon, natalana na nga magapauli subong nga adlaw sa Pilipinas ang nasambitan nga Pinay OFW.
