TACLOBAN CITY – Talwas na ha kaso ha daw pagpalit hin medical supplies hi Samar 2nd District Representative Milagrosa Tan, ini an nagin desisyon han Sandiganbayan kanina, Marso 29.
Sumala han anti-graft court’s First Division, talwas na hi Tan, Roselyn Larce, Bienvenido Sabenecio Jr., Francasio Detosil, Ariel Yboa, Rolando Montejo, ngan George Abrina ha kaso nga graft and malversation of public funds tungod nga pakyas an prosekusyon nga mapamatud-an an ira kaso.
Gin order na an release han bail bonds han mga gin akusahan, naghatag na gihapon hin katugutan an Sandiganbayan ha Bureau of Immigration nga tanggalon hira ha hold departure list.
Gin aaligar nga hi Tan in gingamit an iya posisyon kumo Gobernador han Samar dida han pumalit hiya hin mga medical supplies tikang ha Zybermed Medi Pharma nga gintatag-iyahan ni private respondent Roselyn Larce ha kantidad nga P69 million dida han March 28 ngan August 21, 2007.
An Zybermed, in usa nga Pasig City-based business in waray lisensya nga mag operate han negosyo ha Catbalogan City sumala han prosekusyon.
Ha report naman han Commission on Audit, siring nira an pagpalit ha Zybermed in “unnecessary and non-responsive to the exigencies of the service.”
Pero basi ha 67-page nga desisyon, waray ebidensya nga nagpapakita nga an presyo han mga medisina tikang ha Zybermed in magka-iba ha iba pa nga potential suppliers.
“There is no evidence that the drugs and medicines purchased were overvalued nor was there any showing of the accepted, appropriate or standard prices for the items. The court cannot merely speculate,” sumala han Sandiganbayan.
Nagmanilampuson naman nga nadistribwer an nasabi nga mga medisina ha mga residente han Samar.
Waray gihapon kinakaptan nga ebidensya an prosekusyon kontra kan Tan ngan ha iba pa nga akusado labot la han findings han COA ngan an notice of disallowance ha nasabi nga transaksyon, sumala han Sandiganbayan.
Ginrecognize han Sandiganbayan an importansya han COA audit report pero diri ini sadang para magin guilty an mga akusado.
“Just because the purchases are considered by the COA to be unnecessary does not necessarily mean that it is openly and shockingly disadvantageous to the government,”
“They (prosecution) miserably failed to connect the ‘unnecessary’ procurement to a procurement tainted with manifest partiality, evident bad faith or gross inexcusable neglect as they did not introduce any evidence to show the ill will, bad faith or dishonest intent of the accused public officials.” sumala han Sandiganbayan.
