Davao City – Gidasig karon sa Philippine Obstetrical and Gynecological Society Foundation Inc. (POGS) ang tanang inahan nga i-praktis ang breastfeeding alang sa ilang mga anak.
Sa pakighinabi kang Dr. Lady Vidal sa POGS, gipasabot niini nga sakto ang nutrisyon nga madawat sa mga bata sama sa vitamins, proteins, balanseng fats nga ensakto alang sa pagdaku sa usa ka bata.
Gawas niini, dali nalang alang sa tiyan sa mga bata nga mag digest diin malikay kini nga makasinati og diarrhea ug pamaagi usab kini nga mas ma-develop ang koneksyon sa inahan ug anak pinaagi sa eye contact.
“Daghang anti-bodies ang makuha pinaagi niini (breastfeeding) para layo sa mga sakit, like ear infection, diarrhea, asthma and allergies,” segun ni Vidal.
Dugang sa maong doktor, dakung benepisyo usab kini sa mga inahan diin maluwas sa mga balatian sama sa breast cancer, osteoporosis ug lung cancer.
“Kung nag breastfeed ang anak, mas taas iyang, intelligence quotient, emotional quotient, less infection in the future sa iyang kalawasan ug less obesity chances,” sumala ni Vidal.
Sa pikas bahin, giawhag ni Dr. Lady Vidal ang tanang inahan ilabi na niadtong mga mabdos nga motambong sa ika-15 nga National Araw ng mga Buntis nga ipahigayon sa The Atrium, Abreeza Mall-Davao karong Marso 10, 2018 sugod alas 12:00 sa udto hangtod alas 5:00 sa hapon nga adunay tema nga “POGS: Kaagapay ni buntis sa panahon ng kalamidad at krisis.”
RadyoMaN Jason Amisola
