Davao City – Gipailawom na karon sa Home Quarantine ang kapin 20 ka mga individual sa Barangay 21-C, syudad sa Davao human dunay nagpositibo sa maong lugar ug gipailawom na sa lockdown.
Sumala ni Brgy.21-C Brgy. Capt. Edmundo Altizo Jr. atol sa interview sa Kuskos Batikos kaniya, usa ka lalaki ang nasutang nagpositibo sa maong balatian.
Matud ni Altizo kutob sa mga nahimamat ug nakauban sa maong tawo gipailawom na karon sa home quarantine subay sa patakaran ug kanunay ginamonitor sa mga doktor.
Dugang ni Altizo, ang maong tawo igo lang matulog matag gabii kauban sa iyang asawa sa balay sa iyang anak sa ilang Barangay ug duna usab kini balay sa kasikbit nilang barangay (Brgy. 23-C).
Tungod niini nanawagan si Kapitan Altizo sa iyang Barangay, dili magpanic ug sundon lang ang mga guidelines nga gipatuman karon ilawom sa Enhanced Community Quarantine sa ilang lugar.
RadyoMaN Bernard Pantallon
