Brgy. 23-C: 6K families nakadawat og ayuda

27

Davao City – Natunolan na og pagkaon sa lokal nga panggamhanan sa Davao sa pagpanguna sa City Social Welfare and Development Office (CSWDO) ang mga residente sa Barangay 23-C nga kasamtangang gipailawom karon sa hard lockdown nunot sa daghang kaso sa COVID-19.

Sa interbyu sa RMN Davao kang CSWDO head Malou Bermudo, midawat ang apektadong pamilya og tag-15 kilos nga bugas ug tag-upat ka mga food packs.


Matud ni Bermudo, sa Barangay 23-C, 5,700 ka mga apektadong pamilya ug 436 ka mga borders ang natunolan og food aid sa 1st round.

Kauban usab sa CSWDO ang Agri-Vet sa paghatag og mga rasyon nga gulay, karne, isda, manok ug uban pang produkto.

Dugang pa niini, kapin 300 ka mga bata ang benepisyaryo sulod sa 7 ka Purok sa maong Barangay sa ginapahigayong supplemental feeding.

“Ang atoang opisina uban sa ubang ahensiya sa gobyerno sa lokal nga panggamhanan naa mi naga-operate diha sa may daycare center as our operations center. Naa tay staff diha social worker. Kung naay problema, naa tay mga na-assign nga mga workers every purok nga naga-coordinate sa mga purok leaders uban sa atoang mga BHWs, mga midwife. Katong mga pamilya mga wala nahisakop, nahiapil niadtong July 5 (sa rasyon), butang nato naay wala pa gyod nato na-include duolon nila kay andam kita nga magtubag naa sila diha sa Barangay 23,” segun ni Bermudo.

RadyoMan Aimee Guinita




Facebook Comments