Davao City – Luyo sa pagwagtang sa hard lockdown sa Barangay 23-C, Davao City, magpadayon gihapon ang pagpatuman sa purok ug house lockdown sa lugar.
Kini ang gibutyag ni Davao City Mayor Sara Duterte-Carpio human giwagtang ang hard lockdown sa maong Barangay kagahapong adlawa (July 20, 2020).
“Magpadayon gihapon ang purok or house lockdown which will be determined sa atoang mga doktors diha sa Brgy. 23-C but sa pagkakaron wala na tay barangay ECQ,” tataw sa alkalde.
Dugang sa Mayor, human sa 14 diyas, magpahigayon na usab og testing sa maong Barangay aron masuta kung aduna na pud magpositibo sulod sa area.
Samtang, gitutokan usab karon ang sitwasyon sa Barangay 22-C diin nagkataas usab ang ilang kaso sa Coronavirus Disease 2019 (COVID-19).
RadyoMaN Kirby Manzon
