Davao City – Giklaro ni Brgy. 30-C Kapitan Fedilo Almirante human nahinabi sa DXDC RMN Davao nga walay kamatuoran ang migawas nga balita nga iyang Barangay nga naapil sa very high risk areas sa COVID-19.
Segun ni Kapitan Almirante nga subay sa ilang monitoring, walay nagpositibo sa ilang lugar sa maong balatian.
Matud ni Almirante, iyang gisusi sa mga ahensiya sa gobyerno sama sa City Information Office, City Health Office, Department of Health ug sa Operation Center sa 911, apan wala silay nahatag nga igong rason o datus kabahin niini, hinungdang nadismaya ang maong opisyal.
Kahinumduman, adunay giingon nga napulo ka mga tawo ang gisuspetsahan sa maong balatian ug usa niini gidala sa (SPMC) nga adunay nga Identification Card (ID) taga Barangay 30-C, apan nibalhin na kini sa Calinan ning syudad, samtamg napulo ka mga tawo ang dili pa masuta kung asa nga Barangay dinhi sa syudad sa Davao.
RadyoMaN Don Pulayao
