Davao City – Usa ka lalaki, 30 anyos ang nagpositibo sa COVID-19 ug residente sa Brgy. 5-A ning syudad human gipa-ilawom sa swab test.
Sumala ni Brgy.5-A Kapitan Edgar Ibuyan Sr., atol sa interview sa DXDC RMN Davao, ang maong lalaki anaa na sa Southern Philippines Medical Center (SPMC) alang sa medikasyon samtang gipa-ilawom na sa house lockdown ang iyang pinuy-anan sa nasangpit nga Barangay.
“Gi-house lockdown nato ang pamilya didto… So sa pamilya wala nay problema giprobaydan tanan pagkaon nila didto sulod sa katorse diyas,” segun ni Ibuyan.
Gidugang ni Kapitan Ibuyan, nakarekober na usab ang usa ka pamilyahan human nagpositibo sa COVID-19 samtang padayon ginamonitor ang ilang kondisyon sa isolation facility.
RadyoMaN Don Pulayao
Facebook Comments
