Davao City – Pipila gihapon ka residente sa Brgy.76-A ning syudad ang wala motuman sa social distancing ug pagsuot ug face mask.
Kini ang namatikdan ni Brgy. 76-A Kagawad Dennis Bague human nahinabi sa DXDC RMN Davao.
Matud ni Kagawad Bague, hugot ang monitoring sa ilang Barangay ug pagpahigayon og operation sa mga sakop Barangay Tanod ug Barangay Official aron arestohon ang mga malapason taliwala sa gipatumang General Community Quarantine (GCQ).
Una niini, matud ni kagawad Bague niadtong Miyerkules (June 17, 2020), naglusad og operation ang Barangay ug dunay pipila ka mga lumolupyo ang wala nisunod sa palisiya.
“Mao na among ginabuhat karon gikan pa sa Bucana kining mga social distancing ug kining mga walay face mask ug wala say manggawas. Actually nideretso nalang mi sa Kabacan, daghan naman gud nag concern nga walay ginabuhat ang Brgy. Official,” segun ni Bague.
RadyoMaN Don Pulayao
