Davao Occidental – Gipahigayon kagahapong adlawa (May 6,2020) ang rapid ug swab test sa mga residente sa Brgy.Bolila, Malita, Davao Occidental.
Sumala ni Alona Estrella Public Information Officer LGU Malita, human nahinabi sa DXDC RMN Davao, nagtinabangay ang lokal nga panggamhanan sa lungsod sa Malita ug Probinsya sa Davao Occidental sa gihimong rapid test sa maong barangay.
“Ang ato lang gusto nga kabalo ang katawhan nga dili magpanic (because) everything is in control. So gipaningkamotan sa atong gobyerno nga dili man gyod unta makasulod pero kay kini nahitabo na mana. Gusto lang pod nako isulti pod ang mga pamulong sa atong mayor nga padayon ta sa pagtuman sa mga balaud ug sa atoang GCQ and gusto nato nga i-regulate gyod ang patient sa atong mga tao. Duna pod kitay mga barangay nga atoang gi total isolation kagaya nang Brgy.Bolila and the rest atoang gihimo pod nga kining tanan nga movement nato nga dili ta magpataka unya dili gyod ta magpasagad nga gihimo karon. Salamat nga pwede na nato ning ma troubleshoot ug wala untay madugang sa maong incident ” saysay ni Estrella.
Una niini, gipahibalo ni Davao Occidental Gov. Claude Bautista, ang labing unang kaso sa COVID-19 sa iyang probinsya nga nakabsan sa kinabuhi niadtong milabay’ng adlaw sa Southern Philippines Medical Center (SPMC).
RadyoMaN Don Pulayao
