Sa interview sa DXDC RMN Davao kang Brgy. Catigan Kagawad Joseph Rex Estobio nga subay sa impormasyon nga ilang nadawat, nakasuot og bonnet ang unom ka mga suspek hinungdan nga wala nila kini maidentipika.
Gipaklaro ni Estobio nga walay nisupak nga mga residente sa pagpatrabaho sa maong kalsada ilawom sa contractor nga Davao Tri-a Siblings Corporation.
“Kanang ilang gibuhat diha, para mana sa kaayohan sa atoang barangay ug sa atoang katawhan. Kung naa moy kalagot o unsa may inyo motibo ana ngano inyong gibuhat di lang unta ninyo damay damayon ang (uban). Ang nakabenepisyo baya dili lang kami, pati kamo nagbuhat pwede kamo makabenepisyo ana,”sulti ni Estobio.
Nakig-alayon na karon ang barangay council sa Catigan ngadto sa Eden Police Station alang sa nagpadayon nga imbestigasyon.
RadyoMaN Don Pulayao
