Sa interview sa DXDC RMN Davao kang Brgy.Centro, South San Juan kagawad Ronald Agua gisulti niya, aduna nay mga barangay police nga naka-assign nga mobantay sa kabaybayonan sa ilang lugar.
Segun ni Agua, ang Barangay Council magpatabang usab sa mga personahe gikan sa Coast Guard Davao ug Central 911 aron motabang sa pagbantay ilabi na sa adlaw’ng Sabado og Domingo nga modagsa ang mga beach goers.
Subling nagpahimangno si kagawad Agua sa mga ginikanan, ilang i-monitor og bantayan ang ilang mga anak, tungod daghan ang mga nangaligo sa ilang barangay nga wala nananghid sa ilang ginikanan.
“Gikan sa Brgy.Council ang mensahe nalang nako kung moadto man ta sa dili atong lugar mananghid gyud ta sa atong ginikanan para makabalo ang atong parents kun asa ta padulong kasagaran sa mga nangaligo wala kabalo ang ginikanan”,sulti ni Agua.
Niadtong September 18 ning tuiga, usa ka grade 8 student ang nalumos patay, naila nga si alias ‘Bert’, 13 anyos, human nadala sa kusog nga miresulta sa kamatayon sa maong Barangay.
RadyoMaN Don Pulayao
