CAUAYAN CITY – Pinaghahandaan na ng Brgy. Gagabutan sa Lungsod ng Cauayan ang banta ng Bagyong Crising.
Ayon kay Kagawad Ricky Calapit, hindi na bago sa kanilang barangay ang mabaha kapag may mga ganitong bagyo.
Subalit sa kabila nito aniya, naghahanda pa rin sila sa maaaring maging epekto ng Bagyong Crising lalo na’t pasok na sa Tropical Cyclone Wind Signal ang buong lalawigan ng Isabela.
Kabilang sa paghahandang ginawa ng barangay ang pagbibigay ng abiso kaugnay sa bagyo sa mga residente.
Bukod dito, kung sakaling lumakas at magdala ng pag-ulan ang bagyo, nakahanda rin ang kanilang mga bangka na maaaring gamitin sa pagresponde.
Hinahanda na rin umano nila ang mga evacuation centers na maaaring maging pansamantalang tirahan kung aabot man umano sa punto na kailangang lumikas ng mga residente.
Samantala, isa umanong hamon sa kanila ang mga ganitong bagyo dahil nadadamay ang kanilang mga tanim na gulay at halaman.
Ang Brgy. Gagabutan ay isang sa mga supplier ng gulay sa Lungsod ng Cauayan.
