Davao City – Doble karon ang gisagubang nga problema sa kapin kun kulang 400 ka mga households sa Barangay Ilang, Davao City human gipanglamoy sa dakong sunog ang ilahang panimalay kaganihang kadlawon samtang nagatubang ang tanan sa krisis nunot sa coronavirus disease 2019.
Matud ni Davao City Mayor Sara Duterte giadtuan na sa City Social Welfare and Development Office ang nasunugan.
Gipangtunulan og hot meals ang mga biktima sa sunog pinaagi sa Mobile Kitchen sa City Government of Davao, relief goods ug uban pang mga immediate nga panginahanglan.
“Ang atoang CSWDO nag-census na sila didto kung pila kabuok ang affected sa sunog kaganiha, there is an estimate of 300-400 households and nasunog sa New Society Village sa Barangay Ilang. Ang giandam sa kapitan is 1 open area and 1 gym para sa mga taong apektado, mga nasunugan,”
Gibutyag sa mayor nga wala gisagol ang mga naka-quarantine sa uban pang nasunugan.
Sa rekomendasyon sa kapitan sa maong lugar patukuran kini’g individual shelters matud sa mayor.
RadyoMaN Aimee Guinita
