General Santos City— Hugot nga gipanghimakak ni Brgy, Salam Kagawad Esmail Dimaguil nga aduna siya’y kasayuran sa illegal mga transaksyon sa iyahang kauban nga si Norodin Sabel gumikan igo lang matud pa niya kining gi-ubanan.
Pamahayag niini nga walay nakuha gikan sa iyahang posisyon ug nanghimakak kini nga nanigarilyo sila dihang nadakpan sa kapulisan atol sa gipahigayong kampanya batok sa pagpanigarilyo sa area of responsility sa Police Station 7..
Apan giangkon niini nga kaniadto nagagamitan gyud siya ug illegal nga druga apan miundang na human gilusad ang oplan tokhang ug kanhi na matud pa siyang mitahan sa kapulisan.
Samtang giangkon ni Norodin Sabel, 28 anyos nga sa iyahang posisyon nakuha ang duha ka sachet sa gituuhang llegal nga druga human madakpan gumikan na nanigarilyo sa may Prk. Suiza, Brgy. Fatima, GSC.
Pag-angklon niya nga kini ang unang higayon nga iyahang gisulod ang pagpayuhot ug illegal nga druga bugti sa kantidad nga 1, 500 gumikan sa panginahanglan sa kwarta.
Sumala niya nga walay kasayuran si Kagawad Dimaguil sa maong transaksyon ug igo lang siya nga nagpa-uban dinhi sa dakbayan aron unta nga ihatud ang maong druga.
