Dead on arrival ang isa ka Barangay Kagawad matapos tiruhon sang riding in tandem criminal sa Purok Pag-Asa, Barangay Lumakil, Polomolok, South Cotabato.
Base sa report ng Polomolok PNP, ginkilala ang biktima kay Barangay Kagawad Dima Tumonas Makaludos sang Barangay Lumakil ,samtang pilason naman ang asawa sini nga si Rohaina Makaludos.
Naggagwa sa imbestigasyon sang Polomolok PNP, nga papauli na ang mga biktima halin sa merkado publiko sang banwa sakay sa ila Bajaj motorcycle sang tinalikdan nga gab-i.
Apang pag-abot sang mga ini sa lugar ginluthang na lamang sila sang mga suspek nga nakasakay sa XRM nga motorsiklo kag madasig naman nga nagpalagyo ang mga suspek matapos mahimo ang krimen.
Naigo sa ulo si Kagawad Dima nga nangin tunaan sang iya hinali nga kamatayon kag pilason naman ang asawa niya nga naigo sa hita nga bahin sang iya nga lawas.
Narekober sa crime scene ang apat ka empty shell kag isa ka bala sang kalibre 45 nga armas luthang.
May kahilabtanan naman sa trabaho ang ginalantaw nga motibo sang kapolisan sa insidente , matapos nga chairman sang peace and order council kag aktibo nga nagasuporta sa Polomolok PNP ang biktima sa diin daku ang nangin papel sini suno pa sa kampanya kontra iligal nga droga sa banwa.
Sa subong nagapadayon pa ang imbestigasyon sang Polomolok PNP sa insidente.
*Mangunguma patay , matapos maglumpat sa puno sang lubi.*
Patay ang isa ka 46-anyos nga mangunguma matapos nga magkomitir sang suicide paagi sa paglumpat sa puno sang lubi sa Sitio Breñosa, Barangay Lambingi, Banga, South Cotabato.
Sa report sang Banga MPS ginbuno sang suspek nga ginkilala kay Buenaventura Maragañas Siga , residente sang nasambit nga lugar ang iya nga asawa tungod sa pagbaisanay sang mga ini nga nangin rason sang insidente.
Sa pagpati nga patay na ang iya nga asawa, naggwa ini sa ila puluy-an kag nagsaka sa puno sang lubi malapit sa ila balay kag naglumpat.
Gilayon naman nga gindala ang mag-asawa sa balay bululngan., apang ginbawian ang suspek nga mister sang kabuhi tungod sa naangkon nga pilas sa iya nga ulo.
Samtang luwas naman ang iya nga asawa kag nagapadayon nga nagapaidalom sa medikasyon.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
