South Cotabato —Ospital ang gidangatan sa upat ka mga sakay sa sakay usa ka sakyanan human nga mibangga sa rotonda sa may Allah Valley Drive, Barangay Libertad, Surallah, South Cotabato.
Giila ang mga biktima nga silang Nickanor Gange Sevilla Sr., 60, driver ug mga pasaherong silang si Nickanor Gange Sevillar Jr., 30, Vilma Gange Sevilla, 46, ug barangay kagawad Alfredo Gange Sevilla, 48, pulos mga residente sa Barangay Payongan Alicia, Zamboanga Sibugay.
Sakay ang mga nasampit sa Ford escape, kolor gray nga may plate number XNK-160.
Basi sa inisyal nga imbistigasyon sa traffic management Unit sa Surallah PNP, alas 2:00 sa kaadlawon digang mibangga ang mga nahisgutan sa round ball sa maong lungsod.
Gilayon usab nga gidala sa Upper Valley Community Hospital ang mga biktima ug kasamtangan karon nga ginatambalan sa ospital. Hinuon luwas na sa kuaw nga kahimtang ang mga nasampit.
