Ginpusil han usa nga pulis an Brgy. Kapitan ha sakob mismo han istasyon hiton pulisya ha Catbalogan City, Samar.
Ginkilala an biktima nga Brgy. Kapitan nga hi Nimfa Rosal, 52 anyos, waray asawa ngan residente ha Brgy. 6 han Catbalogan.
Ginkilala naman an suspek nga pulis nga hi PO2. Felix Donald Versoza, 33 anyos, may asawa ngan presente nga naka assign ha Samar Provincial Public Safety Company.
Base han police report ngan ha ira imbistigasyon, nangaro daw hin bulig hi Brgy. Kapitana ha Catbalogan PNP kay an duha nga customer amu hira PO2 Versoza ngan ini nga Balbino Costo nga taga Zumarraga Samar in diri nagbabayad han ira gin order nga beer nga nagkakantidad 400 pesos.
Ha police report, nasiring nga gin aresto na nira an duduha nga suspetsado ngan gindara ha ira police station.
Pagkadto ha istasyon, nagbatunay pa an duduha hi PO2 Versoza ngan hi Brgy. Kapitan Rosal ha atubangan mismo han Duty Desk Officer. Dida han mapaso na an ira batunay, bumunot daw hin pusil hi PO2 Versoza ngan ginpusil hi Brgy. Kapitana dapit ha wala han iya dughan ngan ha tu-o han iya butkon.
Kwestyunable naman an pag aresto han mga pulis han Catbalogan kun kay ano waray anay kapkapi o dis armahi an mao nga pulis nga suspek.
Sumala naman kan PNP Regional Director PCSupt. Gilberto Cruz, ginpapa imbistigahan na liwat niya an mga pulis nga nag aresto kan Versoza.
“Gumawa ka nang kasalanan pagdusahan mo.”
“Sa mga pulis na hindi nag dis arma sa kanya kasi naging relax ang mga pulis eh, iniimbistigahan narin naming under restrictive custody.”
An mga pulis nga nag responde ngan nag aresto in ginpangunahan ni SPO1 Louie Legatub.
Gindara naman hi Brgy. Kapitana ha usa nga hospital ha Tacloban para mabulong.
