Davao City – Giplanohan na usab karon sa Barangay Lasang, Davao City ang tagging sa mga establisyemento nga bakunado na ang ilang mga empleyado batok Coronavirus Disease 2019 (COVID-19).
Sa interbyu sa DXDC RMN Davao kang Kapitan Allan Simo-ag sa Brgy. Lasang, gisaysay niini nga kung mapasa na sa barangay ang ihap sa mga trabahante nga bakunado na, ideklara na nga usa ka “safe zone” ang usa ka establisyemento.
“Kung tan-aw nato nga niabot na sila sa herd immunity, atong i-declare nga “safe zone” na ang ilang establishment base sa gihatag nila nga report ug base pud sa pag-assess nato kung tama ang ilang gi-declare nga number sa mga fully vaccinated nga empleyado o trabahante sa maong establishment,” saysay ni Simo-ag.
Nasayrang unang gipatuman sa barangay ang household tagging ug sa kasamtangan sa mga bakunadong tricycle ug trisikad drivers.
RadyoMaN Kirby Manzon
