Jamindan, Capiz- Matapos ang kapin sa duha ka semana, gin-downgrade na lamang sa ENHANCE COMMUNITY QUARANTINE status ang Barangay Lucero sa banwa sang Jamindan matapos ini sadto ang ginpaidalom sa extreme enhanced community quarantine.
Base sa memorandum order nga ginpapanaog sang talatapan ni Jamindan Mayor Mac Valdemar, epektibo ang nasambitan nga direktiba umpisa subong nga adlaw sang Lunes, Abril 6, 2020.
Gina-abisohan subong ang mga barangay officials sang Lucero nga mag-issue sang quarantine passes.
Nahibaluan nga nangin epektibo ang ginhimo nga sistema sang local government(LGU) sang Jamindan katuwang ang Department of Health(DOH) sa pagpatigayon sang contact tracing sa mga persona nga naka-upod sang persona nga nagpositibo sa COVID-19 sa diin nalikawan ang ginatawag nga community transmission.
Sang nakaligad nga Marso 24, ginpaidalom sa extreme enhanced community quarantine ang nasambitan nga barangay matapos nga nagpositibo sa COVID-19 ang isa ka residente sini.
(c) – 📷 Jamindan PNP
