Brgy. Mintal pilot area sa 1st NSED karong tuiga

57

Davao City – Ikasa karong Huwebes sa pagpanguna sa Office of the Civil Defense XI ang 1ST Quarter National Simultaneous Earthquake Drill sa gymnasium sa Barangay Mintal ning syudad alas-2:00 sa hapon.

Giesplekar ni OCD XI Information Officer Leslie Francisco sa interbyu sa RMN Davao nga base sa DOST-PHIVOLCS sa maong barangay nahimutang ang active fault line nga gitawag nga Dacudao Fault System.

Busa nahimo nila kining pilot area silbing pagpangandam alang sa 15,000 ka mga residente nga nanimuyo sa maong dapit sa dili matagnang paghapak sa linog.

Segun ni Francisco nga sukdon niining exercise ang kahanas ug kooperasyon sa publiko pinaagi sa pagresponde ug pag-perform sa duck cover and hold sa kunuhay pagtay-og sa Magnitude 7 nga linog.

Giimbitahan sa OCD ilabina ang tanang mga residente nga musalmot uban ang ang DOST-PHIVOLCS, Davao City Disaster Risk Reduction and Management Office, Local Government Unit sa Barangay Mintal atol sa maong aktibidad.

RadyoMaN Aimee Guinita

Facebook Comments