Brgy. Monteverde: 85% mituman sa Health Protocols

16

Davao City – Ang pagpahigayon og Recorida palibot sa Barangay maoy usa sa gihimo karon nga kampanya aron mapadayon ang pagtuman sa mga health protocols sa mga tawo sa Barangay Tomas Monteverde, Agdao syudad sa Davao.

Sumala ni Brgy. Tomas Monteverde, Barangay Captain Robert Diaz, kini ang ilang gihimo karon human giwagtang ang lockdown sa Purok 8 sa ilang Barangay aron mamintinar ang pagsunod sa mga tawo sa safety measures sama sa social distancing, pagsul-ob sa face mask, paghunaw sa kamot ug likayan ang pagtapok-tapok.

Matud ni Diaz, anaa sa 80 ngadto 85 % na sa mga tawo sa iyang Barangay ang mituman sa mga health protocols tungod kay ilang nasaksihan ug nasinatian ang kalisod dihang gipailawom sa lockdown ang usa ka Purok human nagpositibo ang 69 ka mga indibidwal sa COVID-19 niadtong Agosto ning tuiga ug usa sa gikonsiderang Very High Risk Area ang iyang barangay.

RadyoMaN Bernard Pantallon

Facebook Comments