Dipolog City – Gisanapan sa tubig baha ang Barangay Punta ning dakbayan sa Dipolog atol sa kusog nga bundak sa ulan kaganiha’ng sayo sa buntag.
Si Brgy. Chairman Armando Drilon, nibutyag sa interview sa rmn dxdr nga lima sa iyang mga purok ang apektado sa tubig baha mao ang La Solidaridad, Makugihon, Balintawak, El fili ug Bogainvilla.
Gidugang pa ni Kapitan Drilon nga pasado alas 4:00 sa buntag nagsugod ang pag-apaw sa Punta River duol sa Tamilokan bridge nga nipaigon sa kabalayan nga gani iyang balay sa may Purok La Solidaridad taga dughan ang tubig baha hinongdan nga gilayon niyang gipabakwit ang mga apektadong residente sa Brgy. Hall.
Hinuon wala ray gikataho nga naagol sa iyang constituent atol sa pagtaas sa tubig baha gumikan ilang nabantayan ang level niini.
Sa karon nikibra na ang tubig baha ug nakabalik na ang mga residente naapektahan.
