Davao City – Nagkapuliki ang mga empleyado sa Brgy. Wilfredo Aquino, Agdao, syudad sa Davao sa pagdawat sa mga aplikante nga gusto motrabaho pinaagi sa Work for Davao ubos sa programang gihanyag sa lokal nga gobyerno sa syudad.
Sa pakighinabi sa DXDC RMN Davao kang Brgy. Wilfredo Aquino Kapitan Gregorio “Jimmy” Obial, kapin 400 na ka indibidwal ang nagpalista ug nakakuha na og form sa iyang Barangay ang nag-apply sa Work for Davao.
Matud ni Kapitan Obial, gawas sa Work for Davao mitabang usab sila sa taga City Social Services and Development Office (CSSDO) sa mga ginikanan nga gusto makaapil sa Eskwela Davao.
“Work for Davao naa nakoy 400 plus. Kada adlaw mani sya, unya ang eskwela Davao 260 plus ni sya wala pa nako maihap kadto paning Monday nga report nako kada adlaw, so Miyerkules man ron, kada adlaw naa may muanhi wa pa nako ma total,” segun ni Obial.
RadyoMaN Don Pulayao
