BACOLOD CITY – Ginpasakupan sang halos tanan nga mga eskwelahan diri sa ciudad sang Bacolod ang opisyal nga pagbukas sang Brigada Eskwela 2019 sini nga adlaw.
Isa ka motorcade, caravan kag malip-ot nga programa ang ginpatigayon sang nagkalain lain nga mga eskwelahan ang ginpatigayon sa pagsugod sang Brigada Eskwela nga magalawig tubtub sa Sabado, May 25.
Ang tema sini nga tuig sang Brigada Eskwela amo ang “ Matatag na bayan para sa maunlad na paaralan.”
Ginapatigayon sang Department of Education sa tagsa ka tuig ang Brigada Eskwela bilang preparasyon sa pagsugod sang klase agud nga mangin tayuyon na sa ila leksyon ang mga manunudlo kag indi na kinahanglan pa nga magpaninlo.
Ini ang ginabuylugan sang nagkalain-lain nga mga stakeholders kon diin kabahin sa ginahimo amo ang minor repair, pagpaminta, pagpaninlo kag iban pa nga nagakadapat himuon sa tagsa ka mga eskwelahan.
[image: image.png]
