Dungan nga ipahigayon karong adlawa sa tibook rehiyon sa Caraga ang kick-off ceremony sa Brigada Eskwela 2019 sa Department of Education (DEPED).
Dinhi sa dakbayan sa Butuan, gihimu ang motorkada palibot sa sentrong bahin ning syudad nga gikasalmotan sa mga opisyal sa DEPED kauban ang mga stakeholders.
Human sa motorkada ipahigayon usab ang pagbukas sa programa sa Libertad National High School nga maoy timaan nga gisugdan ang naasyong programa kung diin matapos kini karong adlawng Sabado, Mayo 25 ning tuiga.
Gipasabot ni City Schools Division Superintendent Romeo Aprovechar nga human sa kick-off ceremony mobalik sa ilang tagsa-tagsa ka mga lugar ang mga District Supervisors aron pangunahan ang programa ilabina sa mga hilit nga tulunghaan.
[image: bri jef.jpg]
