BRIGADA ESKWELA | Kick off ceremony sang Brigada Eskwela sang Roxas City DepEd Division, ginpasakopan sang nagkatuhay nga mga stakeholders!

Roxas City, Capiz- Ginpasakopan sang mga nagkatuhay nga mga stakeholders ang kick-off ceremony sang Brigada Eskwela kahapon sang aga sa Don Ynocencio del Rosario Memorial School sa Brgy. Dayao, Roxas City.
Kalakip naman sa naghatag sang ila mensahe amo si City Councilor Atty. Powell del Rosario nga nagrepresentar kay Gov. Tony del Rosario samtang si Executive Secretary kag City Tourism Officer Dr. Bryan Marie Argos nga amo naman ang naghatag sang mensahe tal-os kay City Mayor Alan Celino.

Subong man ginpasalig ni Roxas City DepEd Division Superentindent Dr. Roel Bermejo nga handa na ang mga manunudlo para sa pormal nga pagbukas sang klase sa pampubliko nga mga boluthoan sa maabot na Hunyo 4, 2018.

Mainit man nga gin-abiabi sang principal sang Don Ynocencio Del Rosario Memorial School nga si Maam Irene Billones ang mga tumalambong sang kick-off ceremony sang Brigada Eskwela 2018.
Sa iya welcome adress liwat nga gintalakay sang amo nga school principal ang matood nga kahulogan sang Brigada Eskwela nga amo ang pag-isa sang tagsa ka mga stakeholders sa ngalan sang bayanihan agod mabuligan nga mangin preparado ang isa ka boluthoan sa pagbukas sang klase.
May yara man sang ginpatigayon nga signing sang commitment pledge.


Samtang ginpatigayon naman sa Capiz DepEd Division ang kick-off ceremony sa Jose Diva NHS sa Brgy. Hipona Pontevedra.

Magadugay ang Brigada Eskwela tubtob sa Hunyo 2, 2018 sa diin may yara sang tema nga โ€œPagkakaisa para sa Handa Ligtas at Matatag na Paaralan tungo sa Magandang Kinabukasanโ€.

Facebook Comments