Davao City – Magsugod na karong adlawa ang tinuig nga Brigada Eskwela sa tibuok nasud.
Sa pakighinabi sa DXDC RMN Davao kang Department of Education kun DepEd XI spokesperson Jenelito “Dodong” Atillo, pagasugdan karong adlawa, Mayo 28 ang Brigada Eskwela ug kutob pa kini karong Hunyo 2, adlawng Sabado alang sa School Year 2018-2019.
Nagpahinumdom usab ang tigpamaba nga dili pinugsanay ang pagsalmot sa Brigada Eskwela apan panawagan niini ngadto sa mga estudyante, ginikanan ug magtutudlo nga magtinabangay alang usab sa pag-andam sa tulunghaan ug palibot sa mga magtutungha sa abri klase.
Una ng giingon ni Atillo nga magsugod ang abri klase sunod semana, Hunyo 4, adlawng Lunes.
RadyoMaN Renz Barbarona
Facebook Comments
