Pormal na nga nagpungko si Police Brigadier General Rene Pamuspusan bilang bag-o nga regional director sang Police Regional Office -6.
Sa turn over of command nga ginhiwat kahapon sang hapon, Hunyo 27 sa Police Regional Office 6 , ginpahayag ni Pamuspusan nga iya padayunon ang maayo nga hinimuan ni anay PRO-6 director Police Brigadier General John Bulalacao.
Nahibaluan nga PNP Headquarters Support Service Director sang Camp Crame si Pamuspusan antes nagtal-os kay PBGen. John Bulalacao.
Samtang napun-an naman sang emposyon ang pagretiro ni General Bulalacao nga nagserbe sang 35 ka tuig sa Philippine National Police.
Suno kay Bulalacao magagwa siya sa PRO-6 nga malipayon, blessed kag proud bangud sa madinalag-on nga pagtuman sang iya katungdanan sa bulig kag suporta man sang iya mga tinawo kag sang mga pumuluyo sa rehiyon 6.
