Nakalabas na ng ospital si British Prime Minister Boris Johnson matapos itong ma-confine ng ilang araw dahil sa Coronavirus Disease (COVID-19).
Ayon kay Johnson, nagpapasalamat siya sa mga medical workers na nagligtas sa kanyang buhay mula sa banta ng nasabing sakit.
Matatandaang noong April 5 ay dinala si Johnson sa ospital at agad na inilipat sa Intensive Care Unit (ICU) hanggang Abril 9 dahil sa paglala ng kanyang sintomas.
Samantala, sa ngayon ay lumagpas na sa 10,000 ang death toll dahil sa COVID-19 sa United Kingdom matapos mahigitan ang Italy sa naitalang bilang ng nasawi sa loob lamang ng isang araw.
Facebook Comments
