Davao City – Naglikay una muhatag og kumento ang pamunuan sa Brokenshire College sa may Madapo Hills sa panawagan sa pipila ka magtutudlo nga panaugon ang kasamtangang nangulo sa tulonghaan.
Suma sa nagpailang School Administrator Head nga premature pa aron mupagula sila og reaksyon ug pamahayag labot sa pag rally sa pipila nila ka mga magtutudlo ug mga estudyante kagabii.
Wala pa sab naka-konperensiya ang pamunuan sa Brokenshire College aron matuki ang yamar sa pipila ka sakop sa union nga magtutudlo nga gipaluyohan sab sa Kilusang Mayo Uno.
Nakalitan matud pa ang liderato sa tulonghaan sa kalit nga paglusad og protesta sa pipil ka magtutudlo sa eskwelahan.
Sa karon, nangayo og pagsabot ang administradora sa publiko nga dili una sila makahatag og reaksyon hilabi na kun dili muagi sa ilang abogado ang luwat pamahayag.
RadyoMaN Joel Viray
