Davao City – Agig pagtuman sa corporate social responsibility sa sibyahanan sa DXDC 621 RMN Davao ug paghatag bili sa importanteng papel sa mga millenials kun ‘Next Generation’ sa mga broadcasters, announcers, reporters ug anchors gipasiugdahan niini ang radio broadcasting training.
Ang pagbansay ubos kini sa two-year old Basic Journalism Skills Training (BJST) sa Brokenshire Science High School ug gitambongan sa ubay-ubay nga mga estudyante kinsa interesadong makat-onan ang nagkadaiyang mga hiyas kun abilidad sa pagsibya kun broadcasting career.
Tema sa exposure mao ang ‘Campus Journalism: A Tool for Change’ kansang tumong mao ang pag-engganyo sa mga batan-ong tinun-an nga maamguhan ang role sa journalism silbing katumanan sa freedom of expression sa katawhan.
Ang RMN training staff gilangkuban kini nila ni June Duterte, Program Director ug lead anchor sa radio social commentary program ‘Straight to the Point,’ Bernard Pantallon, News Director ingon man anchor sa morning show ‘Unang Radyo Unang Balita’ ug ni Renelyn Barbarona, News Desk ug reporter.
Gipaambit sa RMN trainors ang kahibalo sa natad ug tema sa Writing for Radio, Newscasting, News Delivery and Presentation ug uban pa pinaagi sa exposure sa maong skills ingon man ang aktwal nga partisipasyon pinaagi sa Activity Workshop.
Ang Brokenshire training tipik ug kabahin sa kinatibuk-ang Broadcast Refresher Course nga regular gihimo sa estasyon haron ma-upgrade kun maba-id ug maayo ang katakos kun work competencies sa reportorial team niini aron makasugakod sa stiff competition diha sa local media industry.
Kasamang June Duterte
