Gimando karon sa hepe sa Cebu City Police Office , Colonel Royina Garma ang pagsusi kung diin gikan ang nakuha atol sa buy-bust operation sa Sitio Lahing-lahing barangay Mabolo sa dakbayan sa Sugbu niadtong Mayo 19 .
Kini human nadiskubri sa iksaminasyon sa PNP Crime Laboratory sa Central Visayas nga high grade nga shabu ang nakuha gikan sa suspek nga si Marvin Saberon nga adunay kolor nga “brown.”
Subay niini si Garma nimando usab sa tanang onse ka police stations sa dakbayan sa Sugbu nga hingusgan pagbalik ang kampanya batok sa drugas , karon nga nahuman na ang eleksiyon.
Mokabat sa P3 milyon ang balor sa shabu nga nakuha gikan ni Saberon apil na ang brown shabu .
Facebook Comments
