Gibaharan sa kapitan ang suspek nga mutahan na sa mga awtoridad ug makonsensya sa brutal nga gihimo niini sa menor de edad nga biktima kinsa anak sa ilang sa barangay tanod.
Gimanduan niini ang tanang barangay police nga subayon ang tanang palibot lakip na ang mga tawo sa ilang lugar aron daling madakpan ang suspetsado. Gibutyag sa kapitan nga niadtong Sabado, sa inter-purok basketball game walay dayo nga players diin nilantaw pa usab ang biktima.
Hugot ang koordinasyon sa Barangay Sibulan sa kapulisan sa pagpangita sa suspek. Samtang, hustisya ang singgit sa pamilya.
Sa eksklusibong interbyu sa iyaan sa biktima nga si Gracelyn Epal, dili nila madawat ang brutal nga gihimo sa ilang pag-umangkon.
Matud sa iyaan buotan, hinagad, lambing kini nga bata ug pangandoy niining mahimong flight attendant, apan ang maong taas nga pangandoy nahanaw tungod sa trahedyang nahitabo.
Puno sa garas, bun-og ug bali sa kalawasan timailhan nga grabeng pag-antos ug paningkamot nga makaikyas ang biktima sa kamot sa mga tampalasan. Aduna usab nahibiling pubic hair sa suspek sa pwerta sa biktima.
Nanimaho pa og ilimnon ang baba sa biktima ug posibleng nakainom pa ang wala pa mailhing mga responsable sa krimen.
Kahinumduman, niadtong Disyembre 3, 2022 adlawng Sabado nisalmot pa sa mga kalingawan sa pista sa Brgy Sibulan ang biktima ug sa balay sa iyang apuhan na kini natulog.
Alas 6:00 sa buntag adlaw’ng Domingo, Disyembre 4, 2022 nisayo kinig hawa aron mupauli na sa ilang pinuy-anan aron musimba apan sa wala damha wala na kini makauli nga buhi.
Sa may creek 300-500 metros gikan sa gitulogan niining balay sa iyang apuhan nakita kini sa usa ka menor de edad nga dali kining misumbong sa iyang mga kabanay.
Nanawagan ang mga kabanay sa kapulisan nga madakpan ang mga responsable sa paglugos patay sa 12 anyos nga si alyas Kyla.
RadyoaMaN Aimee Guinita
