Matod sa COMELEC, ang rehistrasyon abli ug naglakip sa tanang klase sa aplikasyon sama sa bag-ong rehistrasyon, transfer, reactivation, correction of entries, inclusion o reinstatement sa record, ug pag-update sa datos sa PWDs, senior citizens, ug Indigenous People. Giklaro usab sa ahensya nga dili apil ang Bangsamoro region, tungod Mayo 1 hangtod Mayo 18, 2026 pa kini pagasugdan, human sa parliamentary elections.
Alang usab sa requirements, usa ka valid ID lang ang gikinahanglan, diin lakip sa dawaton sa COMELEC mao ang PhilSys National ID, Postal ID, PWD ID, Student ID o Library Card, Senior Citizen’s ID, Driver’s License o Student Permit, NBI Clearance, Philippine Passport, SSS, GSIS, PRC, IBP, UMID ID Card, NCIP Certificate of Confirmation, ug ubang valid ID nga gi-isyu sa gobyerno. Dili dawaton ang cedula, barangay ID, certificate, company ID, ug police clearance isip valid ID sa pagparehistro.
Subay niini, target sa ahensya nga makadugang og 1.4 milyon nga bag-ong botante sulod sa pito ka bulan nga rehistrasyon.
Kahinumduman nga ang rehistrasyon gisugdan niadtong Agosto 1-10, 2025 apan gisibog kini ngadto sa ulahing bulan sa Oktubre 2025. Samtang, ang BSKE una untang naka-iskedyul karong Disyembre 1, 2025, apan gi-postpone kini pinaagi sa Republic Act No. 12232 nga gipirmahan ni Presidente Ferdinand Marcos Jr., ug ipahigayon na sa unang Lunes sa Nobyembre 2026.
Via RadyoMaN Wil Duran
