Roxas City, Capiz – Nagpaguha subong sang panugyan sa publiko ang Bangko Sentral ng Pilipinas sa Capiz angut sa pag- operate sang nagkatuhay nga mga investment scheme nga nagatanyag sang makagalanyat nga offers kapareho sang pagdoble ukon pagtriple sa gin-invest nga kantidad.
Isa ka online zoom meeting nga gin- organisar sang Roxas City Council of Women Organization Inc ang ginpatigayon kaangut sa amu nga topiko kun sa diin ini naman ang gintambungan sang nagkatuhay nga representante halin sa business sector, religious sector, IBP-Capiz chapter kag iban pa.
Diri gintalakay kun paano iga-edukar ang publiko sa pag-secure sang tagsa nila ka bank accounts kontra sa makagalanyat nga klase sang investment scheme.
Ginklaro man nga ang BSP ang sarang gid lamang makapaguha sang advisory sa publiko samtang mandato naman sang Securities and Exchange Commission ukon SEC amo nga magmonitor sang legalidad sang isa ka kompaniya kun ayhan ini ang lisensyado sang SEC nga mag- operate.
