Davao City – Miabot sa 45 ka pamilya ang nabiktima sa sunog nga miulbo kagahapong adlawa sa Purok 10, Brgy. 76-A siyudad sa Davao.
Subay sa datos nga gipagula sa City Social Services Development Office (CSSDO), 27 ka home owners ang nabiktima sa sunog diin napulo niini ang renters, walo ang sharers, ug duha ang boarders.
Sa gihimong eksklusibong pakighinabi sa DXDC RMN Davao News Team ngadto kang Michelle Cabrera, Senior Social Work Associate sa CSSDO, gitunolan na og hinabang sama sa pagkaon ug uban pa ang mga pamilya sa nabiktima sa sunog.
Dugang ni Cabrera, ginaproseso na sa CSSDO ang Financial Assistance sa mga nasunogan diin ang totally damage nga balay makadawat og P10,000, P5,000 sa partially damaged, foods packs sa slightly damaged, P5,000 sa parehong sharer ug renter samtang P2,000 ang madawat sa boarders.
RadyoMaN Don Pulayao
