Ginakabalak-an nga indi pa sa gihapon maaprobahan sa bulan sang Marso ang proposed budget sang probinsya sang Iloilo.
Ginpahayag ni Board member Manny Gallar nga ginahingagaw nila nga maaprobahan ang budget apang madamo pa sang dapat id-iron sa nasambit nga budget kabangdanan wala sang kasiguruhan nga maaprobahan nila ini sa bulan sang Marso.
Indi man makahatag sang pat-od nga petsa si Gallar kon san-o gid mapasar kag maaprobahan ang budget sang probinsya para sa karon nga tuig.
Nahibaluan nga madamo na sang naapektuhan sa indi pagpasar sang provincial board sang budget kag isa na diri ang performance sang mga atleta nga nagpasakop sa bag-o lang natapos nga WVRAA 2019 bangud sa kakulang sang budget kon sa diin kulang-kulang man ang suporta sang provincial government sa mga atleta.
